എഞ്ചി. പ്രവേശനം: ഒക്ടോബർ 23 വരെ തിയതി നീട്ടാൻ നിർദ്ദേശം നൽകി

സംസ്ഥാനത്തെ എഞ്ചിനീയറിംഗ് കോളേജുകളിൽ ഒന്നാം വർഷ കോഴ്സുകളിൽ ഒഴിവുള്ള സീറ്റുകളിൽ പ്രവേശനം പൂർത്തിയാക്കാനുള്ള തിയതി 2024 ഒക്ടോബർ 23 വരെ നീട്ടാൻ നിർദ്ദേശം നൽകി.

ഒന്നാംവർഷ ബിടെക്, ബിആർക് ഉൾപ്പെടെയുള്ള സാങ്കേതിക കോഴ്സുകളിലേക്കുള്ള പ്രവേശന തിയ്യതിയാണ് ദീർഘിപ്പിക്കാൻ നിർദ്ദേശം നൽകിയത്. എഐസിടിഇയുടെ പുതിയ സർക്കുലർ പ്രകാരം തീയതി ദീർഘിപ്പിച്ച സാഹചര്യത്തിലാണിത്. പ്രവേശനവുമായി ബന്ധപ്പെട്ട മാർഗ്ഗനിർദ്ദേശങ്ങൾ പുറപ്പെടുവിക്കാൻ പ്രിൻസിപ്പൽ സെക്രട്ടറിക്ക് നിർദ്ദേശം നൽകി.