28 കോളേജുകളിൽ കൂടി പൂർത്തിയായ റൂസ പദ്ധതികൾ അക്കാദമിക് ലോകത്തിന് സമർപ്പിച്ചു
സംസ്ഥാനത്തെ 28 കോളേജുകളിൽ കൂടി റൂസ പദ്ധതിയിൽ നിർമ്മാണപ്രവൃത്തികൾ പൂർത്തിയാക്കി. പൂർത്തിയാക്കിയ പദ്ധതികൾ നാടിനു സമർപ്പിച്ചു.
തൊഴിലും വിദ്യാഭ്യാസവും തമ്മിലുള്ള ബന്ധം കൂടുതൽ ശക്തമാക്കണം. തൊഴിലും വിദ്യാഭ്യാസം തമ്മിലുള്ള സ്കിൽ ഗ്യാപ്പ് നികത്തുന്നതിനായി സ്കിൽ എൻഹാൻസ്മെന്റിന് വേണ്ടിയുള്ള നിരവധി പദ്ധതികളും പ്രവർത്തനങ്ങളുമാണ് ആസൂത്രണം ചെയ്തു നടപ്പാക്കി വരുന്നത്. കൂടുതൽ വിദ്യാർത്ഥികൾക്ക് തൊഴിൽപരമായ ആഭിമുഖ്യം വളർത്തുന്നതിനും അവരുടെ സംരംഭകത്വ താല്പര്യം ഉയർത്തുന്നതിനും വേണ്ടിയുള്ള പരിശ്രമങ്ങളും നടന്നുവരികയാണ്.
റൂസ പദ്ധതിയിലൂടെ 35 കോടിയിലധികം രൂപ മുതൽ മുടക്കി പൂർത്തിയാക്കിയ അടിസ്ഥാനസൗകര്യവികസന പ്രവർത്തനങ്ങളാണ് വിദ്യാർത്ഥികൾക്കായി സമർപ്പിച്ചത്. 15 അക്കാദമിക് ബ്ലോക്കുകൾ (61 ക്ലാസ് മുറികൾ), 3 ഓഡിറ്റോറിയങ്ങൾ/സെമിനാർ ഹാളുകൾ, 2 ഭരണനിർവ്വഹണ ബ്ലോക്കുകൾ, ഭക്ഷണശാല, പരീക്ഷാ കേന്ദ്രം, 6 കമ്പ്യൂട്ടർ ലാബുകൾ/ഡിജിറ്റൽ ലൈബ്രറികൾ, 4 ഹോസ്റ്റലുകൾ/ജീവനക്കാരുടെ ക്വാർട്ടേഴ്‌സ് എന്നിവയാണ് പുതിയതായി നിർമ്മിച്ചത്. കൂടാതെ ക്ലാസ് മുറികൾ, ലൈബ്രറികൾ, ഭരണനിർവ്വഹണ ബ്ലോക്കുകൾ, പാർക്കിംഗ് സ്ഥലങ്ങൾ എന്നിവയുടെ പുനരുദ്ധാരണ പ്രവൃത്തികളാണ് പൂർത്തിയാക്കിയിട്ടുള്ളത്.
എസ്.എൻ.എം കോളേജ് മാല്യങ്കര, എസ്.എൻ.എം ട്രെയിനിംഗ് കോളേജ് മൂത്തകുന്നം, വളയൻചിറങ്ങര ശ്രീ ശങ്കര വിദ്യാപീഠം കോളേജ്, ടി എം ജേക്കബ് മെമ്മോറിയൽ ഗവ.കോളേജ് മണിമലക്കുന്ന്, ഗവ.കോളേജ് കട്ടപ്പന, നിർമലഗിരി കോളേജ് കൂത്തുപറമ്പ്, പി കെ എം കോളേജ് ഓഫ് എഡ്യൂക്കേഷൻ മടമ്പം കണ്ണൂർ, പഴശ്ശി രാജ എൻ എസ് എസ് കോളേജ് മട്ടന്നൂർ, എസ്.ഇ.എസ്. കോളേജ്, ശ്രീകണ്ഠപുരം, ‘സെന്റ് പയസ് ടെൻത് കോളേജ് രാജപുരം, കെ എസ് എം ഡി ബി കോളേജ് ശാസ്താംകോട്ട, അസംപ്ഷൻ കോളേജ് ചങ്ങനാശേരി, ബിഷപ്പ് ചൂളപ്പറമ്പിൽ മെമ്മോറിയൽ കോളേജ് കോട്ടയം, സി എം എസ് കോളേജ് കോട്ടയം, ദേവമാതാ കോളേജ് കുറവിലങ്ങാട്, സെന്റ് സ്റ്റീഫൻസ് കോളേജ് ഉഴവൂർ, സെന്റ് തോമസ് കോളേജ് പാലാ, ദേവസ്വം ബോർഡ് കോളേജ് തലയോലപ്പറമ്പ്, സെന്റ് തോമസ് കോളേജ് ഓഫ് ടീച്ചർ എഡ്യൂക്കേഷൻ പാലാ, ഗവ. കോളേജ് മൊകേരി, സുല്ലമുസ്സലാം സയൻസ് കോളേജ് അരീക്കോട്, ഗവ. കോളേജ് ചിറ്റൂർ, സഹോദരൻ അയ്യപ്പൻ സ്മാരക എസ്.എൻ.ഡി.പി യോഗം കോളേജ് കോന്നി, സെന്റ് തോമസ് കോളേജ് കോഴഞ്ചേരി, മാർത്തോമ്മാ കോളേജ് തിരുവല്ല, എൻ.എസ്.എസ് ട്രെയിനിംഗ് കോളേജ് പന്തളം, ഓൾ സെയിന്റ്‌സ് കോളേജ് തിരുവനന്തപുരം, മാർ തിയോഫിലസ് ട്രെയിനിംഗ് കോളേജ് തിരുവനന്തപുരം എന്നീ കലാലയങ്ങളിലാണ് റൂസ പദ്ധതികൾ നിർമ്മാണം പൂർത്തീകരിച്ചത്-.
