സംസ്ഥാനത്തെ ബിഎഡ് കോളേജുകളിൽ നാഷണൽ സർവീസ് സ്കീം യൂണിറ്റുകൾ തുടങ്ങുകയാണ്. സംസ്ഥാനത്തെ എല്ലാ സർവ്വകലാശാലകൾക്കും കീഴിലെ ബിഎഡ് കോളേജുകളിൽ പുതുതായി യൂണിറ്റുകൾ തുടങ്ങാനാണ് തീരുമാനിച്ചിരിക്കുന്നത്.
ഞാൻ കൂടി അംഗമായ നാഷണൽ സർവീസ് സ്കീം സംസ്ഥാന ഉപദേശക സമിതിയിൽ ഇക്കാര്യത്തിൽ തീരുമാനം കൈക്കൊള്ളാൻ നിർദ്ദേശിച്ചിരുന്നു. തുടർന്നാണ് തീരുമാനം. ഈ അക്കാദമിക് വർഷംതന്നെ ബിഎഡ് കോളേജുകളിൽ എൻഎസ്എസ് യൂണിറ്റുകൾ ആരംഭിക്കും.
അദ്ധ്യാപകപരിശീലന മേഖലയിൽ വലിയ മാറ്റങ്ങൾക്ക് ഇത് കാരണമാകും. ഭാവി അദ്ധ്യാപകർക്ക് സാമൂഹ്യ സേവനത്തിന്റെ മികച്ച അനുഭവം നൽകാൻ ഇതുവഴി സാധിക്കും.
യൂണിറ്റുകൾ തുടങ്ങാൻ താല്പര്യമുള്ള ബിഎഡ് കോളേജുകൾക്ക് അവരവരുടെ സർവ്വകലാശാലകൾ വഴി, സംസ്ഥാന എൻഎസ്എസ് ഓഫീസർക്ക് അപേക്ഷ നൽകാം.
#NationalServiceScheme
#highereducationkerala
