ബ്രണ്ണൻ കോളേജിൽ സിന്തറ്റിക് ട്രാക്ക്
ബ്രണ്ണൻ കോളേജിൽ നടപ്പിലാക്കിവരുന്ന വിപുലമായ വികസന പ്രവൃത്തികളുടെ ഭാഗമായി സിന്തറ്റിക് ട്രാക്ക് ഒരുക്കി. കായിക അടിസ്ഥാന സൗകര്യ വികസനത്തിന്റെ ഭാഗമായിട്ടാണ് സിന്തറ്റിക് ട്രാക്ക് ഒരുക്കിയത്. സ്പോട്സ് അതോറിറ്റി ഓഫ് ഇന്ത്യയുടെ സഹായത്തോടെ ഒരുക്കിയ സിന്തറ്റിക് ട്രാക്ക് ഉന്നത നിലവാരമുള്ളതാണ്. കണ്ണൂർ ജില്ലയുടെ വടക്കുഭാഗത്ത് പരിയാരം മെഡിക്കൽ കോളേജിൽ സജ്ജമാക്കിയ സിന്തറ്റിക്കിനു പുറമെ തെക്കു ഭാഗത്തും അന്താരാഷ്ട നിലവാരമുള്ള ട്രാക്ക് വന്നത് കായിക താരങ്ങൾക്ക് വലിയ പ്രോത്സാഹനമാകും.
