ഭിന്നശേഷികുഞ്ഞുങ്ങൾക്ക് നിപ്മറിൽ സ്‌കൂൾ റെഡിനസ് പോഗ്രാം
ഭിന്നശേഷിക്കാരായ കുട്ടികൾക്ക് നിപ്മറിൽ സ്‌കൂൾ റെഡിനസ് പോഗ്രാം ആരംഭിക്കുന്നു. രണ്ടു വയസിനും ആറു വയസിനും ഇടയിലുള്ള ഭിന്നശേഷിക്കാരായ കുട്ടികളെ സ്‌കൂൾ വിദ്യാഭ്യാസത്തിന് സജ്ജമാക്കാനാണ് സ്‌കൂൾ റെഡിനസ് പോഗ്രാം.
കുട്ടികളിലെ സാമൂഹികവും വൈകാരികവുമായ കഴിവുകൾ വികസിപ്പിക്കുന്നതിനായി ചലനശേഷി, ആശയവിനിമയശേഷി, അടിസ്ഥാന ശാരീരിക പ്രവർത്തനങ്ങൾ എന്നിവ വികസിപ്പിക്കുകയും മെച്ചപ്പെടുത്തുകയും ചെയ്യുന്നതിൽ ഊന്നൽ നൽകിയാണ് ‘സ്‌കൂൾ റെഡിനസ് പോഗ്രാം’. കുട്ടികളുടെ സമഗ്ര വളർച്ചയ്ക്ക് അനുയോജ്യമായ അടിത്തറ കെട്ടിപ്പടുക്കലാണ് പ്രോഗ്രാമിന്റെ ലക്ഷ്യം. സ്‌പെഷ്യൽ എഡ്യൂക്കേറ്റർ, ഒക്യുപ്പേഷനൽ തെറാപ്പിസ്റ്റ്, സ്പീച്ച് തെറാപ്പിസ്റ്റ്, ഡയറ്റീഷൻ എന്നിവരുടെ നേതൃത്വത്തിലാണ് കുട്ടികൾക്ക് പരിശീലനം നൽകുക. കുട്ടികളിൽ ശരിയായ ഭക്ഷണശീലങ്ങൾ വളർത്തുന്നതിൽ പദ്ധതി പ്രത്യേക ശ്രദ്ധനൽകും.
പദ്ധതിയിൽ പങ്കാളികളാകാൻ ആഗ്രഹിക്കുന്ന കുട്ടികളുടെ രക്ഷിതാക്കൾ 9288099582 എന്ന നമ്പറിൽ ബന്ധപ്പെടണം.
